قآل تدرِيبْ صَيفِي قـَآل !!

تَجربَه تمريِـضْ سَيئه !!

قآل إيش قآلك تَدريبْ صَيفِي !!

طبعآ زي مآ الكل عآرف ومأجز خخخخخخخخخ إنو~ إجآآآزه

عآد انا طفشت من قعده البيت والطفش ومطفره >>> جيبي فآضي .. وفكرت أنآ وسآمو ندور على شغل في الصيف !

ومآ ندري انو رآيحين محل مأســـــــــــــــــــــــآه

قدمنآ أورآقنآ في مستشفى ……… (( مو لآزم تعرفوه )) وقآلك بوآسطه ودخلنآ عالمدير وفله واحنا جآيين من طرف كزا كزا ..

أخرتهآ رسلونآ مكآن ربكم العآلم بيه

قآلولنآ بمسجآت انقبلتو في مكآن كزا كزآ ويبدآ الدوآم يوم كزا وعآد احنا الفله رآيحين نآخد راتب و خبره >>> قالو في روآتب واخرتهآ خمووونآآآآآآ

قلنآ طيب~ عالاقل ناخد خبره!!!

رحنآ الدوآم أول يوم وزعوني انا و سامو ووحده صحبتنآ طلعت معانا (( منحوسه زينآ بالعربي ))

كل وحده في قسم وكل قسم في دور مستشفى مرآ فظيع

أنا المنحوسه آلكبرى – الحمدلله بس – في الدور الاول قسم جراحه رجال والمستشفى اصلن خبيص رجال على حريم كلوووو يممممشي !!! في نفس الدور !!

مآ علينآ نيجي للجنآن إللي هببوه فيآ (فينآ) ~

× المستشفى من بره مو بطآل بس لمن دخلنآ سألنا عالكآفتيريا ولا المطعم !
قالولنا يمين وطوالي وحتلاقيه على يسآرك.. ومآ عرفنآ لين جآ واحد ورآنآ الطريق وقالنا دي الكآفتيريا واحنا جآتنآ صآعقه
كآفتيريا (( كوشك )) متر في اتنين !! والاكل تقول خمآآجه ! سكتنآ قلت عسآني ما فطرت.

× جا وقت الغدا البنات يبو يآكلو .. قالولنا تاكلو في الكافتيريا تحت في "البدروم" غير كدآ مافي غدا في مكان تاني.

نزلنا البدروم وكلو ريحه بويه وخبيييص على ريحه عرق، ولآآآ !! لقينآ غرفه الاشعه تحت ودورنآ عالكآفتيريا .. اخرتهآ طلعت غرفه فيهآ طآولات كأنهآ طاولات مدرسه ومرصرصه ترصيص مزبوط !! البنات زعقو اول ما شافو ورآحو يتآكدو من اللي مكتوب وطلع صح !!!!!!!!

قمت دخلت انا بشوف كيف والا الرييييييييييييحه الصااااااااعقه تدخل خشمي وتصقع اعصابي بطريقـــــــــــــــه !!

لا تعليق

ريحه غبره على عفن على عرق هنود وعمال ؟!
أخرتهآ اكلنا بره الكافتيريا عند الممر الصعب ! الا تطلع صراصير اشكال والوان تلعب طيييييييييييييييييييييييييييره واااااااااااااااااااااااااع مرااا (( والله ما اتغديت ولا فطرت وطزز )) بس لآ تعليق.

× الممرضات -خاصه الفلبيينيآت- شآيفين نفسهم علينآ عشان عندهم بكآلوريس (( وانا طالبه حتتخرج ببكآلوريس يفقش رآسك أبو شكلك ))

× اللغه الإنقليزيه عندهم معدومه !! وينفجعوا لمن نحنآ نتكلم انقليزي وبطلآقه وعيونهم تكبر قد الريال ×_× >>> دآرسين تمريض بدون لغه ؟!

× اتعرفنآ على وحده .. طلعت متخرجه ثنوي !! وحيدربوهآ كم شهر و تتوظف عندهم !! قديش سيئين !!

× المفروض لمن تنتقل من مريض لمريض تعقم يدك بالمعقم .. وتلبس القلفزآت ..
عندهم~ كل دور بمعقم !! واحد وعند الريسبشين متجنط محد مديه وش والقلفزآت مآ تستخدم عندهم ؟!!!! همآ ينتقلو من مريض لمريض بدون اي تعقيم ولا اي قلفزآآت (( بكدآ حينقلو الأمراض للمرضى ولأنفسهم ))

مجــــــــــــــــــــــــــــآنيــــــــــــن بس الأجن فين !

أقرو اللي بعدو

× آلمعروف النآس حقون الأمرآض المعديه زي الإيدز والسل وغيرو في غرف عزل – Negative , Positive Pressure – و عند الباب علآمه تحذير حتى اللي بيمر يشوفهآ.

عندهم~ لآلآلآلآ مريض الايدز في غرفه عاديه ومريض السل في غرفه عاديه بس !

اللهم مريض الايدز حاطين ورقه صغيره علامه تحذير عند الباب ومريض السل ولا اي حااجاااا ! وسايبين اي احد يدخل عندهم ويخرج بدون اي شي !
لا قلفزات ولآ ماسك فيس !.

بكـــــــــــــوني هنآكآ ×.×
وآللهي بكيت مآ اقولكم لاء .. طفشانين ما عندهم شغله ولا يبو يمسكوني شي وجالسه زيي زي الكرسي اللي جلست فوقو .. أقوم ادور على شغل هنا ولا هناكا مآآآآآآآآآآآآآآآفي ..

الا رئيسه الممرضات حزنت عليا ورسلتني مع ممرضه جديده ناخد المؤشرات الحيويه ( ضغط – حراره – النبض – التنفس ).

أخدت معآهآ جهآز الضغط اليدوي وجرتلها سماعه (( السماعات هناكا كولهم يستخدمو مع بعض وكولها على بعضها 3 سماعات مدري 4 )).

رحنا اخدنا حقت 3 مرضى هي قاستلهم الضغط وانا اخدت الباقي رحنآ لـ رآبع مريض وقالتلي خدي قيسيلو .. وقستلو وانا لابسه قلفزات وهي لاءا – ما تدري المريض ايش فيلو ولا قالولي ايش حالة المرضى كولهم – ولمن خرجت من عندو ………………….

طلع المريض هو نفسو مريض السل اللي بيقولو عليه (( سمعتهم )) وانا هنا بكيييييييييييييييييييييييييييييييييييييييييييييييي ييييييييييت دخلت عند المريض بدون القنااااااااااااااااااااااااااااااااع .. والمرض ينتقل عن طريق الهوآ

وجلست احصن نفسي و انفخ على نفسي وادعي ربنآ

وانجنييييييييت وانواع الوسوسه جاااتني ابى اروح اسوي لنفسي كشف .. ومابا ارجع البيت اخاف يكون فيا شي .. ومدري ايش واحاول امسك دموعي قدامهم ..

وحده جلست تقولي ايشبك حتبكي ؟! قلتلها مين قالك .. !!!

وبعدينا الممرضه اللي كنت معاها راحت تاخد الضغط حقت باقي الغرف بنفس الجهاز بدون ما تمسحو ورآحتبو عند مريضه الايدز !!!!!!!!!!!!!!!!!!!!!!!!

حسبي الله عليهآ بس ..

وفي نهآيه اليوم قالولي روحي قيسي ضغط مريضه الايدز ! انا رفضت قالتلي روحي والبسي القفازات وكل شي قلتها برضو مابا .. فرصعتلي بعينهآ قلت طيب

والعيال الممرضين فاكين كااي !!! رحت اخدت كل شي وعقمتو ونضفت كل شي و لبست في كل يد قفآزين .. و ماسك وانواع التحصين (( وكل الممرضين والممرضات فاكين كاي؟؟؟ عشان بنسوي كدا ))..

وطبعآآ ما حروح لحالي جريت وسآم معايا .. (( معآ للأبد لو صآرلنا شي نكون مع بعض يسعدها صحبتي ))

والله دخلنا وقسنا والحرمه انفجعت من اشكالنا !! لأنو لابسين كدا وكل اللي دخلو عليها ما يلبسو شي ؟!!!

NO COMMENT

حيقتلو اوآدم انا بقولها من آلآن .. حسبي الله ونعم والوكيل بس .. الله يجيرنا من كل شي يآآرب

كآن أطول يوم بحيآآتي كولهآ .. كنت استنى الوقت يخلص بس منو رآضي يخلص.. كل ما نحاول نطلع ابدر يقولولنا انتو داومتو 9 تخرجو 5

جلسنآ عالدرج وكل وحده تشكي للتانيا .. ورحت اتصاحبت على كل السعودين واقولهم اطلعو من هنآ قبل ما يصيرلكم شي ومدري ايش ..
سويتلهم ×غسيل مخ .. ولمن خلصنا رحنآ على طول كلمنا وحده حقت الموآرد البشريه وقلنالها طلعينا وامسحي اسامينا .. دا مو نظام واشتكينااا للليييييييييييل وهي تضحك .. تقولي انا ادري طيب قلتلها تدري وسايبتنا على عمانا !!! وقالت كلمو مدري مين فرع كزا وقولو يحولوكم !

واحنا قلنا لا تحويل ولا يحزنون احنا مبطلييييييييييييييييييييييين !

ورجعت البيت واحكي وادمع واهلي يحسبنو .. وبابا ضحك ..
قالي: انا ما قلتلك بلاشي من التدريب الصيفي !!

وطلعت بدرس "لا تسوي شي و أحد من أهلك مو رآضي" .. بابا رضي عشان يسكتني بس أخرتها اخدت كف على وجهي ..

وتآني يوم أحلى قب !! وأحلى نومه وأحلى كل شي في الحياه !!

طبعآ دآ التدريب "بإختصآآآآآآآآآآآآآآآآآآآآآآآآآآآآآآر شدييييييييييييييييييييييد" …..

(( اقدر ارفع عليهم قضيه – عشان التسيب دا ولا على قد الشهادات اللي راصينها عند الريسبشين ))

يلآلآ اهم شي طلعت اللي في قلبي عليهم

مستشفى الأموآت

التآريخ~ 16\7\2009

علو

~ by lolakawaii on July 23, 2009.