مُستَقبلْ بِلآ مَعآلم … وَنَس

عُمرَكم فَكرتُو إنَكم في نِعمه لأنكَم مَع أهلكم !
عآدي تنضربو تتهزأو منهم تتلطشو يسووا فيكم إللي يبوه
برضو دولآ أهآليكم

إنتـــــو فِي نعمه !

لأنو…..
يوم الإثتنين
مستشفى الحرس الوطني
19\10\2009
قسم جرآحه الأطفآل

قآبلت أزكى وألز وأحلى بنوته في الوورد
عديت على كل المرضى اللي حمسكهم مع الممرضه اللي معآهآ .. واخر غرفه كانت 8
دخلنآ لقيت سرير وبنوته صعنطوطه فيهآ

 

 

وَنَس :$ إسم غريب بس عسول عليهآ :$
10 شهور !
شآلولهآ بنكريآسها من هي صغيرآ ..
وعندهآ .. انخفآض في سكر الدم

بدون أهل يسألو عنهآ .. صآرت تشوف النآس كلهآ ومهي عآرفآ مين أهلهآ ومين ومين

بس !

تضحك .. تلعب .. تمزح .. تبوس .. تسلم .. تنطنط

كل شي في الحياه بتسويه مبسوطه

لسه 10 شهور وكدآ .. ومآ تدري لمن تكبر ايش مصيرهآ

لا أم ! ولا أب ! ولا أخوه !

أيت قلب موجود على وجه الأرض كدآ ؟

وإحنآ مسلمين ؟! كأنو وأد بنآت بس بطريقه تآنيآ

😦

ع قد مآ لعبت وانبسطت معآهآ كنت بفكر فين حيكون مصيرهآ لمن تكبر .. من كتر مآ الممرضات يعتبروهآ بنتهم
دلوعآ من فوق لتحت

لبس .. ألعآب .. جزم .. عربيآت .. دلع عالآخــــــــــر !

أنآ لمن شفتهآ قالتلي علآ حتكوني معآهآ اليوم

وبجد جلست معآهآ في اكتر وقتي ..

لعبتهآ .. حضنتهآ .. شلتهآ .. بستهآ .. روشتهآ .. لبستهآ .. أكلتهآ .. نومتهآ .. صحيتهآ .. أديتهآ فيتآمينآتهآ ..

خلآلآلآلآلآلآلآلآلآص كنت أحس اني بآلسمآ إني معآهآ ..

بس تتوقعو هل حتجلس كدآ طول عمرهآ ؟!!
بدون أهل ؟ إيش ظروفهم ؟ ليه سووا كدا ؟
حتكبر تتكلم عربي انقليزي فلبيني ؟ زي الممرضات ؟
حتعيش مع مين ؟!
في المستشفى ع طول ؟

😦
حسبي الله ونعم الوكيل

عندي صور ليهآ :$ كم حبه :$ احب اتكي معاها

 

بنزلهآ ع قودام بس اخدهآ من الجوال اللي صورنآهآ بيه

~ by lolakawaii on December 30, 2009.